Industria – Dhemen

Lazpiur

Dhemen — Mon, 04 May 2020 13:52:12 +0000

Lazpiurrek bere bezeroen premiekin batera eboluzionatu nahi du, eta horregatik erronka eder bati heldu dio: diseinuaren bidez bere antolaketa aldatzea.

Dhemenek marka estrategia berri bat garatu zuen Lazpiurrentzat. “Accurate Works” promesan laburbiltzen da, eta hainbat ondorio ditu: produktu sorta berriak eta egoitza eta ekoizpenerako instalazio berriak

Lazpiurrek zehaztasun handiko makineria eta mekanizatu konponbideak eskaintzen ditu hainbat sektoretarako. Espezializazio eta ezagutza handia dute guztiek.

Bi negozio lerro ezberdin eta independente ditu Lazpiurrek: makineria eta mekanizatua. Proiektuaren erronka nagusia izan da biak marka diskurtso bakarrean bateratzea, eta bi aldeentzako ukigarri eta baliagarri egitea. Horixe izan da, produktu sorta berriaz gain, aldaketa nabarmenena Lazpiur berria egiteko bidean.

Markaren balioak produktuan txertatzea giltzarria izan da txertatze elektronikoko Insert H1 eta H2 makinen irudi nortasuna definitzeko orduan.

Orain egitura berri baten gainean eraikita daude eta integratuta dituzte ezin hobeto funtzionatzeko elementu guztiak. Erabiltzaileak une oro eskura ditu, bai makinaren barnealdea, bai kalitatearen kontrola eta hari buruzko informazioa ere.

Horretarako bi aldagai konbinatu dira: alde batetik, gardentasun kontrolatuak eta ondo definituak; bestetik, argiztapen eta koloreen tratamenduari buruzko lan oso sakona. Prototipoz prototipo aldaketak ontzat jo dira, eta lortu da emaitzak hasierako proiektuaren baldintzak betetzea.

Danobatgroup

Dhemen — Mon, 04 May 2020 13:56:25 +0000

Danobatgroup erreferentzia da makina-erremintaren sektorean. Ez bakarrik teknologian eta zehaztasunean punta-puntako enpresa delako; baita lehena izan zelako makina-erremintaren munduaren ikuspegi emozionalago bat ematen, Dhemen eskutik.

Neurri handiko produktu proiektu globala da. Aurretiko analisia eta diagnostikoa egin eta gero, erabaki zen: alde batetik, prozesuan jasotako kalitatea kanporatzea eta agerian jartzea; bestetik, makina multzoarekiko —forma, erabilera eta kokaleku oso ezberdinetakoak— sentsazio teknologikoa eta konfiantza sentsazioa indartzea. Espazio ezberdinak identifikatu, garatu eta kontzeptualizatu genituen: Working Areas, Human Areas, Maintain Spots eta Logistics Areas. Total Machine sormen kontzeptuan bildu genituen guztiak.

Your browser does not support the video element.

Kontzeptu horrek prisma baten moduan gidatu zuen diseinuaren garapena eta produktuaren kontakizunaren eraldaketa. Guztia pertsonetan oinarritua. Makinak erabiliko dituzten horiexek, makinaren kontaktu puntu ezberdinetan: makinista, ingeniaria, mantentze-lanetako langilea, ekoizpenaren kudeatzailea, fabrikaren bisitaria…

Dhemenek zehaztutako produktu estrategiak produktu propioko sistema bat proposatu zuen, gizakiaren eta makinaren arteko harremanean oinarrituta. Harreman hori hainbat elementuren bidez gauzatzen da: formen morfologia berri bat; nortasun marka bereizgarri bat; eta kolore korporatiboaren eta bere hierarkiaren erabilera egokia.

Soraluce FXR — Red Dot Design Award Winner

Silennis

Dhemen — Fri, 06 Nov 2020 11:24:52 +0000

Your browser does not support the video element.

Dhemeni galdetu zioten ea zein izango litzatekeen ideala gertuko ur jardueretan, ingurumena errespetatuz, kutsadurarik gabe eta erabateko isiltasunean gozatzeko. Silennis, erantzun zuen.

Silennis jolasontzia da. Naturguneez gozatzeko modu berriei erantzuten die, bizitzeko eta sentitzeko modu berriekin era koherentean.

Motor elektrikoari esker isiltasunean nabigatzea; gure ubera, hegaztiak edo brisa entzutea… Sentsazio horiek handietsi egiten ditu erabilera esperientzia minimalistak. Erabiltzaile eta soslai mota guztientzako egokia da, aisialdia eta natura ulertzeko modu berri bati egokitutako sarrera eta erabilera konponbideei esker.

Red Dot Design Award eta Delta Design Award sariak jaso zituen. Dhemenk bere egin zuen proiektu bat da. Produktua ez ezik, nortasun bisuala, marka estrategia, posizionamendua eta dagozkion tresna komertzialak ere diseinatu eta garatu zituen. Nabarmentzekoa da Silennis jaio zenean propultsio elektrikoa ezezaguna zela gehienentzat, eta oso gutxi zabalduta zegoela. Horregatik, ariketa didaktiko eta estrategiko oso bat egin behar izan zen, gaur egun, inoiz baino gehiago, indarrean jarraitzen duen ariketa.

SILENNIS — RED DOT DESIGN AWARD WINNER

SILENNIS — DELTA DESIGN AWARD WINNER

Wangye

Dhemen — Fri, 09 Apr 2021 08:03:23 +0000

Asiako motor ekoizle sendo batek hiri-motor bat merkaturatu nahi zuen bere herrialdean, gama ertainekoa, neurrizko prezioan eta itxura mediterraneoarekin.

Dhemen, motorra diseinatzeko, beltxarga baten itxura elegantearen proportzioetan eta forma organikoetan, naturaletan eta kontinuistetan inspiratu zen. Motor hori merkaturatu zuenetik, Wangyeren bandera ontzia da merkatu guztietan.

Emaitza: marra garbiko eta silueta orekatuko motor bat; proportzioetan atsegina; eta ez duena, ez ezer faltan, ez ezer soberan.

Ikusi

Dhemen — Fri, 09 Apr 2021 09:22:25 +0000

Proiektu batzuetan estetika hobetzen da. Besteetan funtzionaltasuna. Badira maila teknikoa hobetzekoak ere. Edota erabiltzaileen esperientzia. Ikusik, proiektu honetan, guztiek bat egitea nahi zuen, eta Dhemenera jo zuen, ez bakarrik proiektua diseinatzeko, baita erabilera esperientzia ere. Instalazioa eta instalatzaileen arazoak azpimarratu zituen bereziki.

Dhemenek itxura teknologikoa sendotu zuen, formen kontrol finaren eta koloreen, materialen eta bukaeren hautaketa delikatu bati esker. Produktuak marra garbiak eta dotoreak ditu eta, argiaren erabilera egokiarekin konbinatuz gero, markaren eta produktuaren itxura sendoa eta koherentea osatzen dute.

Behin produktuaren kontrola hartuta, bilgarria da ziurrenik proiektu honen zati garrantzitsuena.

Muntatze lekua asko sinplifikatu zen Dhemenen azterketari eta diseinu proposamenari esker. Ondorioz, instalatzaile bakoitzak hainbat ordu aurrezten ditu instalazio bakoitza muntatzean.

Akaba

Dhemen — Fri, 09 Apr 2021 08:57:17 +0000

Akaba altzarien markak ibilbide sendoa egin du contract-en eta workspace-ren munduan. Hasieratik lan egin du garaian garaiko diseinatzaile ospetsuenekin.

Dhemen da Akabarekin elkarlanean aritzen den diseinatzaile taldeko kideetako bat. Hainbat proiektutako alderdi teknikoenean parte hartu du; baina bada guztien artean gailentzen den bat, hainbat arrazoirengatik.

Balu-Arte mahaien sistema konpromisoen sistema orekatu bat da: sinpletasuna eta erabilera aniztasuna, funtzionaltasuna eta berrikuntza.

Hainbat erabileratarako mahaien sistema bat sortu zen, Francisco Mangado arkitektoarekin elkarlanean. Modu askotara erabil daitezke, bai bakarka, bai taldean, bai osagarriekin, bai haiek gabe.

Erabiltzaileak nahi adina konbinazio sor ditzake, mahai + mahai + osagarri lotura sistema patentatuari esker, erramintarik erabili gabe.

Gaur egun mahai horiek erabiltzen dituzte, esaterako, Eusko Jaurlaritzak eta hainbat erakundek.

Bahco

Dhemen — Fri, 23 Jul 2021 10:16:00 +0000

Bahco suediar multinazionalak, Dhemen eskutik, karro forman herraminta biltegi berri bat sortzea proposatzen du. E72 eta E77 modeloak dira, hainbat arrazoi estrategikorengatik, Bahcoren produktu garratzitsuenetakoak merkatuan. Dhemenek diseinu-hizkuntza formala berriztatu du, huatemandako kalitatea hobetuz eta produktuaren “heavy dutty” esentzia eta iraunkortasuna mantenduz, erabilera profesional eta exijentzia haundiko produktuak izaki.

Aldi berean E72 eta E77 programen parte, X-Pand osagarri sorta sortzen da. Karro bakoitza erabilera desberdinetara egokitzeko modulo desberdinez osatutako osagarri sorta da. Honek karroak operazio gehienen erdigunean kokatzen ditu, sektore profesionalean ematen duen hain beharrezko zerbitzua areagotuz.

Your browser does not support the video element.

Gurpil berriak, itxiera motak, materialen hautaketa, proposatutako akaberak,… elementu erabakigarriak izan dira merkaturatzetik karroa multinazionalaren mundu osoko “best seller” batean bihurtzeko.