Kirola eta osasunaren mundua etengabeko berrikuntzen tokia da. Bertan Eccmax-ek makina motorizatuekin indarra eta mugimendua lantzeko era berri bat proposatzen du, edozein tipotako erabiltzaileentzat, bai kirolari profesionalentzat eta baita adin handiko pertsonentzat ere.

Dhemen Eccmaxekin elkarlanean ari da sortu zenetik. Eccmax Model V eta Model L makinak diseinatu ditu, ez bakarrik erabiltzailearengan pentsatuz, baita makinaren ingurunean ere.

Makinak humanizatzea eta sentsazio atsegina eta segurua sortzea izan da helburua. Horretarako egurraren berotasuna eta oihalaren leuntasuna erabiltzeak sentsazio bakaneko eta emaitza bikaineko produktuak sortzea ahalbidetu du.

Eccmax, Dhemen eskutik, bere produktuen proposamena eboluzionatzen ari da, osasunaren eta prozesu konplexuen birgaitzeetan oinarrituta.

 

ECCMAX Model L & Model V — RED DOT DESIGN AWARD WINNER

Asiako motor ekoizle sendo batek hiri-motor bat merkaturatu nahi zuen bere herrialdean, gama ertainekoa, neurrizko prezioan eta itxura mediterraneoarekin.

Dhemen, motorra diseinatzeko, beltxarga baten itxura elegantearen proportzioetan eta forma organikoetan, naturaletan eta kontinuistetan inspiratu zen. Motor hori merkaturatu zuenetik, Wangyeren bandera ontzia da merkatu guztietan.

Emaitza: marra garbiko eta silueta orekatuko motor bat; proportzioetan atsegina; eta ez duena, ez ezer faltan, ez ezer soberan.

BOJek ehun urte baino gehiago daramatza lanean. Ardoaren munduari eta sukaldeko ontziteriari lotutako produktu ospetsuekin eta estimatuekin egin du ibilbidea.

Dhemenek harreman sendoa du marka horren diseinu estudio gisa. 2016an, nortasun korporatiboa birdiseinatzeaz gain, bere produktu ikoniko bat ere birdiseinatu du: hormako kortxo-kentzekoa.

Proiektua funtsezko bi premisatatik abiatu zen: alde batetik, produktuaren erabilera hobetzea, edozein erabiltzaile motak erabili ahal izatea errazteko; bestetik, ekodiseinu prozesu baten bidez produktu iraunkorrago bat sortzea, ingurumenean duen eragina kontrolatzeko eta ahalik eta gehien txikitzeko.

Proiektuaren lehen helburua lortzeko, hau da, erabilera esperientzia hobetzeko, objektuaren funtzionaltasuna eta erabilgarritasuna berrinterpretatu ditugu: ahalik eta gehien sinplifikatu dugu botilatik kortxoa ateratzeko ekintza, mugimendu natural bakar bateraino, mekanismo berri eta patentatu baten bitartez.

Proiektuak ekodiseinatua izan behar zuen. Dhemenek ekodiseinuko ISO 14006 ziurtagiria dauka, eta zegozkion prozesuak aplikatu zizkion proiektuari, ahalik eta proiektu iraunkorrena egiteko: produktuaren bizitza osoa, bere carbon footprint-a eta materialen trazabilitatea kontrolatuz. Baita, erabilera intentsiboa izanda ere, irauteko diseinatutako objektu bat sortuz, une oro zaharkitzapenetik ihes eginez.