Prototipoa – Dhemen

Forge Adour

Dhemen — Mon, 04 May 2020 13:49:55 +0000

Janaria prestatzeko gozamena goratzea. Edertasunak esperientzia bere egitea. Zentzumenek gidatzea eta emozioak azaleratzea. Janariak bihotz-bihotzez prestatzea izan dadila araua, ez salbuespena.

Forge Adourrek aurrerapauso bat eman nahi zuen bere plantxa sorta ezagunetan. Proiektuaren helburua argia zen: teknikotasuna, funtzionaltasun berriak eta estetika erabiltzailearen zerbitzura egotea, eta erabilera esperientzia beti izatea apartekoa, segurua eta trabarik gabea.

Produktu familia ospetsu bat eboluzionatzea zen erronka. Hasteko, sakon aztertu genuen erabiltzaileek noiz eta nola erabiltzen dituzten plantxak. Elkarrizketa zoragarriak izan genituen bertako adituekin, teknikariekin eta chefekin. Haien izaeraz, egiteko moduaz, sentitzeko moduaz… jabetu ginen. Forge Adourrek gauzak egiteko oso modu pertsonala du, eta gauzak egiteko modu horretaz jabetzea funtsezkoa da bere DNA ulertzeko eta gauza ukigaietan txertatzeko, sistema formal bakar eta nahasezin baten bidez.

Forge Adour plantxa bat baino askoz ere gehiago da. Ikono bat, inguruan gertatzen denaren epizentroa, une askoren ardatza, non jatea mahai baten bueltan partekatzea bihurtzen den.

Osagaien, euskarrien eta altzari osagarrien sorta osoa ere garatu genuen, Forge Adourrentzat garatutako diseinu irizpideekin bat eginez. Forge Adour esperientzia zabaldu egiten dute janaria erretzeko eta janaria manipulatzeko inguruetara, momentua biribilduz.

Dhemen Forge Adourren bidelagun izan da prozesu guztian: aurrena, sormen kontzeptuan; gero, markaren eta produktuaren balioak txertatzen; materialak eta akaberak aukeratzen; prototipoak egiten; ingeniaritzaren garapenean; eta, azkenik, industrializazioan.

Gastronomia kulturaren funtsezko elementua da. Elkarrekiko enpatia sentituz eta modu egokian elkar entzunez gero, bat egiten dute alderdi teknikoak eta gizatiarrak, eta alderdi materialak eta emozionalak. Emaitza produktu sorta garaigabea eta minimalista da, goxoa eta erabiltzeko atsegina, sentimenetan gizatiarra, emaitzetan profesionala.

Lazpiur

Dhemen — Mon, 04 May 2020 13:52:12 +0000

Lazpiurrek bere bezeroen premiekin batera eboluzionatu nahi du, eta horregatik erronka eder bati heldu dio: diseinuaren bidez bere antolaketa aldatzea.

Dhemenek marka estrategia berri bat garatu zuen Lazpiurrentzat. “Accurate Works” promesan laburbiltzen da, eta hainbat ondorio ditu: produktu sorta berriak eta egoitza eta ekoizpenerako instalazio berriak

Lazpiurrek zehaztasun handiko makineria eta mekanizatu konponbideak eskaintzen ditu hainbat sektoretarako. Espezializazio eta ezagutza handia dute guztiek.

Bi negozio lerro ezberdin eta independente ditu Lazpiurrek: makineria eta mekanizatua. Proiektuaren erronka nagusia izan da biak marka diskurtso bakarrean bateratzea, eta bi aldeentzako ukigarri eta baliagarri egitea. Horixe izan da, produktu sorta berriaz gain, aldaketa nabarmenena Lazpiur berria egiteko bidean.

Markaren balioak produktuan txertatzea giltzarria izan da txertatze elektronikoko Insert H1 eta H2 makinen irudi nortasuna definitzeko orduan.

Orain egitura berri baten gainean eraikita daude eta integratuta dituzte ezin hobeto funtzionatzeko elementu guztiak. Erabiltzaileak une oro eskura ditu, bai makinaren barnealdea, bai kalitatearen kontrola eta hari buruzko informazioa ere.

Horretarako bi aldagai konbinatu dira: alde batetik, gardentasun kontrolatuak eta ondo definituak; bestetik, argiztapen eta koloreen tratamenduari buruzko lan oso sakona. Prototipoz prototipo aldaketak ontzat jo dira, eta lortu da emaitzak hasierako proiektuaren baldintzak betetzea.

Silennis

Dhemen — Fri, 06 Nov 2020 11:24:52 +0000

Your browser does not support the video element.

Dhemeni galdetu zioten ea zein izango litzatekeen ideala gertuko ur jardueretan, ingurumena errespetatuz, kutsadurarik gabe eta erabateko isiltasunean gozatzeko. Silennis, erantzun zuen.

Silennis jolasontzia da. Naturguneez gozatzeko modu berriei erantzuten die, bizitzeko eta sentitzeko modu berriekin era koherentean.

Motor elektrikoari esker isiltasunean nabigatzea; gure ubera, hegaztiak edo brisa entzutea… Sentsazio horiek handietsi egiten ditu erabilera esperientzia minimalistak. Erabiltzaile eta soslai mota guztientzako egokia da, aisialdia eta natura ulertzeko modu berri bati egokitutako sarrera eta erabilera konponbideei esker.

Red Dot Design Award eta Delta Design Award sariak jaso zituen. Dhemenk bere egin zuen proiektu bat da. Produktua ez ezik, nortasun bisuala, marka estrategia, posizionamendua eta dagozkion tresna komertzialak ere diseinatu eta garatu zituen. Nabarmentzekoa da Silennis jaio zenean propultsio elektrikoa ezezaguna zela gehienentzat, eta oso gutxi zabalduta zegoela. Horregatik, ariketa didaktiko eta estrategiko oso bat egin behar izan zen, gaur egun, inoiz baino gehiago, indarrean jarraitzen duen ariketa.

SILENNIS — RED DOT DESIGN AWARD WINNER

SILENNIS — DELTA DESIGN AWARD WINNER

Eccmax

Dhemen — Fri, 09 Apr 2021 09:12:20 +0000

Kirola eta osasunaren mundua etengabeko berrikuntzen tokia da. Bertan Eccmax-ek makina motorizatuekin indarra eta mugimendua lantzeko era berri bat proposatzen du, edozein tipotako erabiltzaileentzat, bai kirolari profesionalentzat eta baita adin handiko pertsonentzat ere.

Dhemen Eccmaxekin elkarlanean ari da sortu zenetik. Eccmax Model V eta Model L makinak diseinatu ditu, ez bakarrik erabiltzailearengan pentsatuz, baita makinaren ingurunean ere.

Makinak humanizatzea eta sentsazio atsegina eta segurua sortzea izan da helburua. Horretarako egurraren berotasuna eta oihalaren leuntasuna erabiltzeak sentsazio bakaneko eta emaitza bikaineko produktuak sortzea ahalbidetu du.

Eccmax, Dhemen eskutik, bere produktuen proposamena eboluzionatzen ari da, osasunaren eta prozesu konplexuen birgaitzeetan oinarrituta.

ECCMAX Model L & Model V — RED DOT DESIGN AWARD WINNER

Dëna

Dhemen — Thu, 10 Dec 2020 08:19:35 +0000

Your browser does not support the video element.

Umeentzako jostailuak egiten ditu Dëna Toysek. Bere estrategiaren oinarria da helburu anitzeko jostailuak, adin askotarakoak, dibertigarriak eta sormenezkoak egitea.

Dhemenek eta Dënak jostailu bat garatu dute. Umearen garapen motorra, kognitiboa, emozionala, soziala eta zentzumenena garatzea izan dira abiapuntu eta helburu. Adin guztietako umeek erabil dezakete egindako jostailua. Hozka egiteko, jostailu gisa, margotzeko molde gisa, janaria prestatzeko… erabil daiteke. Umeen hazkunderako eta hedapenerako aukera mugagabeak eskaintzen ditu.

Nabarmentzekoa da Car jostailuak izan duen berehalako arrakasta. MoMA Arte Modernoko Museoak aukeratu egin du eta salgai jarri New Yorkeko museoaren dendan.

Jostailua eskuragarri dago Dënaren Interneteko dendan eta New Yorkeko MoMA Design Storeren dendan.

Wangye

Dhemen — Fri, 09 Apr 2021 08:03:23 +0000

Asiako motor ekoizle sendo batek hiri-motor bat merkaturatu nahi zuen bere herrialdean, gama ertainekoa, neurrizko prezioan eta itxura mediterraneoarekin.

Dhemen, motorra diseinatzeko, beltxarga baten itxura elegantearen proportzioetan eta forma organikoetan, naturaletan eta kontinuistetan inspiratu zen. Motor hori merkaturatu zuenetik, Wangyeren bandera ontzia da merkatu guztietan.

Emaitza: marra garbiko eta silueta orekatuko motor bat; proportzioetan atsegina; eta ez duena, ez ezer faltan, ez ezer soberan.

LEM

Dhemen — Fri, 06 Nov 2020 11:28:07 +0000

LEM kaskoen marka bat da, 1972an sortua Reggio Emilian (Italia). Urte eta urteetan eraikitako ondare hori da, agian, garrantzitsuena, eta horixe azaleratu zen LEMen kaskoen sorta berria diseinatzeko orduan.

Dhemenek kasko historiko baten moldea berreskuratu zuen, belaunaldi gazteena, hiritarrena eta globalena hunkitzeko helburu argiarekin. Eguneratu egin zuen, aldaketa asko baina sotilak eginez, gaur egungo mugikortasun premietara egokitzeko. Modaren munduko hainbat markarekin lankidetza estrategia ere ezarri zuen, eta horrek diskurtso propio bat sortu zuen. Segurtasun elementu hutsa moda osagarri bihurtu zen, horrek dakarren guztiarekin.

Agatha Ruiz de La Prada, Massimo Dutti, Pull & Bear, Loreak Mendian edota Diesel bezalako markek irudikatu dituzte beraien kolekzioak LEMen Roger kaskoetan. Estilo eta segurtasun kontzeptuen ikuspegi berri bat zabalduz.

Castro

Dhemen — Fri, 09 Apr 2021 09:31:40 +0000

Dhemenek ondo ezagutzen du itsasketa mundua. Castrok 50 urte baino gehiago daramatza itsasketarako ekipamendua egiten.

Dhemeneko eta Castroko diseinu taldeentzat erronka izan zen ontzien defentsa klasikoa birdiseinatzea, funtzionaltasuna eta karga estetikoa abiapuntutzat hartuta.

Dhemenek marra garbiko defentsa bat proposatu zuen, materiala eta babes azalera ahalik eta gehien aprobetxatzeko asmoz. Horrek handitu egiten du ukitze azalaren esposizioa, eta, era berean, soken eremua garbia da eta iristeko erraza erabiltzailearentzat.

Castroren NFD Serieak ontziak babesteko modu modernoa, garbia eta eraginkorra proposatzen du. Osagai estetikoa hain da minimalista eta hainbeste zaindu da, ezen defentsa erabiltzen duen ontzi bakoitzarentzat propio diseinatua dirudi.

Hanniko

Dhemen — Fri, 23 Jul 2021 09:47:27 +0000

Hanniko txakurrentzako osagarrien marka bat da, helburu zeatz batekin sortua, gizakiaren lagun onenarentzat produktu hoberenak sortzea. Txakurrentzako produktu familia bat sortzea ez da lan erreza, kontuan hartuta produktu hauek etxeko edozein lekutan egon daitezkela, eta bertako altzari, objetu eta aberrekin mimetizatu eta hauen kalitatearekin bat egin beharra dutela.

Emaitza, saritutako ohe, jantoki eta uhal sorta, animaliari ahalik eta erosoen sentiarazteko sortua. Sektoreko ohiko kalitate-maila orain arte ezagutzen ez zen mailara igo duena.

Hala nola, orain arte txakurrentzako osagarrien marka bat ez zen hain bat-batean merkatura sartu diseinu zaindu, kalitate eta hain produktu duin batekin. Egur laminatua, laser bidezko mozketak, artile naturalak, material konposatuak, larrua,…

Aukeratutako materialen zerrenda altzari “premium”ez osatutako edozein etxeren parekoa da, eta horregatik, ez animalien sektorean erabilitakoa. Honek Hanniko maskotaren inguruko mugimendu kultural berriaren erdian kokatu du, erosotasun, mimo eta estilo maila berri bat sortuz.

Bahco

Dhemen — Fri, 23 Jul 2021 10:16:00 +0000

Bahco suediar multinazionalak, Dhemen eskutik, karro forman herraminta biltegi berri bat sortzea proposatzen du. E72 eta E77 modeloak dira, hainbat arrazoi estrategikorengatik, Bahcoren produktu garratzitsuenetakoak merkatuan. Dhemenek diseinu-hizkuntza formala berriztatu du, huatemandako kalitatea hobetuz eta produktuaren “heavy dutty” esentzia eta iraunkortasuna mantenduz, erabilera profesional eta exijentzia haundiko produktuak izaki.

Aldi berean E72 eta E77 programen parte, X-Pand osagarri sorta sortzen da. Karro bakoitza erabilera desberdinetara egokitzeko modulo desberdinez osatutako osagarri sorta da. Honek karroak operazio gehienen erdigunean kokatzen ditu, sektore profesionalean ematen duen hain beharrezko zerbitzua areagotuz.

Your browser does not support the video element.

Gurpil berriak, itxiera motak, materialen hautaketa, proposatutako akaberak,… elementu erabakigarriak izan dira merkaturatzetik karroa multinazionalaren mundu osoko “best seller” batean bihurtzeko.