Dhemen

Forge Adour

Dhemen — Mon, 04 May 2020 13:49:55 +0000

Janaria prestatzeko gozamena goratzea. Edertasunak esperientzia bere egitea. Zentzumenek gidatzea eta emozioak azaleratzea. Janariak bihotz-bihotzez prestatzea izan dadila araua, ez salbuespena.

Forge Adourrek aurrerapauso bat eman nahi zuen bere plantxa sorta ezagunetan. Proiektuaren helburua argia zen: teknikotasuna, funtzionaltasun berriak eta estetika erabiltzailearen zerbitzura egotea, eta erabilera esperientzia beti izatea apartekoa, segurua eta trabarik gabea.

Produktu familia ospetsu bat eboluzionatzea zen erronka. Hasteko, sakon aztertu genuen erabiltzaileek noiz eta nola erabiltzen dituzten plantxak. Elkarrizketa zoragarriak izan genituen bertako adituekin, teknikariekin eta chefekin. Haien izaeraz, egiteko moduaz, sentitzeko moduaz… jabetu ginen. Forge Adourrek gauzak egiteko oso modu pertsonala du, eta gauzak egiteko modu horretaz jabetzea funtsezkoa da bere DNA ulertzeko eta gauza ukigaietan txertatzeko, sistema formal bakar eta nahasezin baten bidez.

Forge Adour plantxa bat baino askoz ere gehiago da. Ikono bat, inguruan gertatzen denaren epizentroa, une askoren ardatza, non jatea mahai baten bueltan partekatzea bihurtzen den.

Osagaien, euskarrien eta altzari osagarrien sorta osoa ere garatu genuen, Forge Adourrentzat garatutako diseinu irizpideekin bat eginez. Forge Adour esperientzia zabaldu egiten dute janaria erretzeko eta janaria manipulatzeko inguruetara, momentua biribilduz.

Dhemen Forge Adourren bidelagun izan da prozesu guztian: aurrena, sormen kontzeptuan; gero, markaren eta produktuaren balioak txertatzen; materialak eta akaberak aukeratzen; prototipoak egiten; ingeniaritzaren garapenean; eta, azkenik, industrializazioan.

Gastronomia kulturaren funtsezko elementua da. Elkarrekiko enpatia sentituz eta modu egokian elkar entzunez gero, bat egiten dute alderdi teknikoak eta gizatiarrak, eta alderdi materialak eta emozionalak. Emaitza produktu sorta garaigabea eta minimalista da, goxoa eta erabiltzeko atsegina, sentimenetan gizatiarra, emaitzetan profesionala.

Iberdrola

Dhemen — Mon, 04 May 2020 13:53:07 +0000

Iberdrolak Dhemenekin elkar hartu du, Espainian egiten ari den karga elektrikoen sarearen zenbait proiektu erreferentzial garatzeko, bere mugikortasun elektrikoaren estrategiaren barruan. Ezin dugu proiektuei buruzko irudirik erakutsi, konfidentzialtasun eta prozesu arrazoiengatik.

Lazpiur

Dhemen — Mon, 04 May 2020 13:52:12 +0000

Lazpiurrek bere bezeroen premiekin batera eboluzionatu nahi du, eta horregatik erronka eder bati heldu dio: diseinuaren bidez bere antolaketa aldatzea.

Dhemenek marka estrategia berri bat garatu zuen Lazpiurrentzat. “Accurate Works” promesan laburbiltzen da, eta hainbat ondorio ditu: produktu sorta berriak eta egoitza eta ekoizpenerako instalazio berriak

Lazpiurrek zehaztasun handiko makineria eta mekanizatu konponbideak eskaintzen ditu hainbat sektoretarako. Espezializazio eta ezagutza handia dute guztiek.

Bi negozio lerro ezberdin eta independente ditu Lazpiurrek: makineria eta mekanizatua. Proiektuaren erronka nagusia izan da biak marka diskurtso bakarrean bateratzea, eta bi aldeentzako ukigarri eta baliagarri egitea. Horixe izan da, produktu sorta berriaz gain, aldaketa nabarmenena Lazpiur berria egiteko bidean.

Markaren balioak produktuan txertatzea giltzarria izan da txertatze elektronikoko Insert H1 eta H2 makinen irudi nortasuna definitzeko orduan.

Orain egitura berri baten gainean eraikita daude eta integratuta dituzte ezin hobeto funtzionatzeko elementu guztiak. Erabiltzaileak une oro eskura ditu, bai makinaren barnealdea, bai kalitatearen kontrola eta hari buruzko informazioa ere.

Horretarako bi aldagai konbinatu dira: alde batetik, gardentasun kontrolatuak eta ondo definituak; bestetik, argiztapen eta koloreen tratamenduari buruzko lan oso sakona. Prototipoz prototipo aldaketak ontzat jo dira, eta lortu da emaitzak hasierako proiektuaren baldintzak betetzea.

Danobatgroup

Dhemen — Mon, 04 May 2020 13:56:25 +0000

Danobatgroup erreferentzia da makina-erremintaren sektorean. Ez bakarrik teknologian eta zehaztasunean punta-puntako enpresa delako; baita lehena izan zelako makina-erremintaren munduaren ikuspegi emozionalago bat ematen, Dhemen eskutik.

Neurri handiko produktu proiektu globala da. Aurretiko analisia eta diagnostikoa egin eta gero, erabaki zen: alde batetik, prozesuan jasotako kalitatea kanporatzea eta agerian jartzea; bestetik, makina multzoarekiko —forma, erabilera eta kokaleku oso ezberdinetakoak— sentsazio teknologikoa eta konfiantza sentsazioa indartzea. Espazio ezberdinak identifikatu, garatu eta kontzeptualizatu genituen: Working Areas, Human Areas, Maintain Spots eta Logistics Areas. Total Machine sormen kontzeptuan bildu genituen guztiak.

Your browser does not support the video element.

Kontzeptu horrek prisma baten moduan gidatu zuen diseinuaren garapena eta produktuaren kontakizunaren eraldaketa. Guztia pertsonetan oinarritua. Makinak erabiliko dituzten horiexek, makinaren kontaktu puntu ezberdinetan: makinista, ingeniaria, mantentze-lanetako langilea, ekoizpenaren kudeatzailea, fabrikaren bisitaria…

Dhemenek zehaztutako produktu estrategiak produktu propioko sistema bat proposatu zuen, gizakiaren eta makinaren arteko harremanean oinarrituta. Harreman hori hainbat elementuren bidez gauzatzen da: formen morfologia berri bat; nortasun marka bereizgarri bat; eta kolore korporatiboaren eta bere hierarkiaren erabilera egokia.

Soraluce FXR — Red Dot Design Award Winner

Orbea

Dhemen — Mon, 04 May 2020 13:59:06 +0000

Aerodinamika da kontrolatu beharreko aldagai garrantzitsuenetakoa txirrindularitzaren moduko lehiaketa kirol batean. Haizearen kontrako erresistentzia da aurre egin beharreko faktore garrantzitsuena 25 km/h-ko abiaduratik gora.

Orbea marka historikoak berriro elkar hartu du Dhemenekin, R-10 kasko arrakastatsuaren bertsio aerodinamikoa egiteko. Dhemenek berak garatu zuen kasko hori Orbearentzat, duela zenbait urte. Kasu honetan erronka zen R-10 kaskoaren ezaugarriak jokaleku berri batera eramatea, non segundo milaren bakoitza garrantzitsua den eta guztiak laguntzen duen, baita xehetasun txikienak ere.

R-10 Aeroren abiapuntu izan ziren jatorrizko R-10 kaskoaren oinarrizko zenbait kontzeptu: ahalik eta bolumenik txikiena erabiltzailearen buruaren gainean; ahalik eta segurtasun eta babes handiena kolpeei eta erorikoei aurre egiteko; eta, horiez gain, ahalik eta aireztatze eta arintasun handienak. Kontzeptu horiek oinarri sendoa dira kaso berritzaile eta eraginkor bat egiteko, baina baita, era berean, erosoa eta segurua ere.

Your browser does not support the video element.

Diseinatzeko prozesuan alderantzizko ingeniaritza ariketa bat egin zen, R-10aren kasuan bezala: bolumenak aztertu ziren balizko erabiltzaile motaren garezurraren gainean, azterketak egin ziren haize tunelean, eta aztertu eta gurutzatu egin ziren ereduek sortutako datu guztiak.

Emaitza: izugarri ondo aireztatutako kaskoa, trinkoa, arina eta haizeari erresistentzia minimoa egiten diona. Horren erakusgarri da ez dutela bakarrik erabiltzen triatoilariek eta erlojuaren kontrako espezialistek, baita itzuli handietako txirrindulariek eta amateurrek ere, errendimendu aerodinamiko ezin hobea lortzeko asmoz.

Era berean, bere segmentuko kaskorik seguruenetakoa da. MIPS® teknologia da: marruskadura gutxiko geruza bat buruaren eta kaskoaren artean, eta biratu egiten du kolpea hartuz gero.

Velites

Dhemen — Mon, 12 Apr 2021 12:28:18 +0000

Velites Crossfiteko eta Fitnesseko marka apurtzaileenetakoa eta sendoenetakoa da, bai Espainian, bai nazioartean.

Dhemenen ardura izan da Velitesen sokasaltorako soken sorta berria. Helburua argia zen: goi errendimendurako ahalik eta soka onena sortzea.

Veliteseko adituekin eta erabiltzaileekin elkarlanean, azken diseinuak konponbide berritzaileak eskaintzen ditu, ez bakarrik formetan, baita, batez ere, funtzionaltasunean, erabilera esperientzian eta eraginkortasunean ere.

Your browser does not support the video element.

Horri guztiari esker, emaitza hain harrigarria izan zenez, merkaturatzeko planteamendu erabat ezberdina behar zuen. Ameriketako Estatu Batuetako KICKSTARTER plataforma erabiltzea erabaki zen, finantzaketa kolektiborako nazioarteko programa bat sortzeko eta, horrela, merkatuaren interesa neurtzeko. Emaitza ezin hobea izan da: 550.000 euroko aldez aurreko salmentak lortu dira Kickstarter eta Indiegogo plataformen artean.

Dhemenek egin ditu produktuaren diseinua, markaren nortasuna eta Velitesen bilgarria.

VELITES EARTH 2.0 JUMP ROPE — RED DOT DESIGN AWARD WINNER

Silennis

Dhemen — Fri, 06 Nov 2020 11:24:52 +0000

Your browser does not support the video element.

Dhemeni galdetu zioten ea zein izango litzatekeen ideala gertuko ur jardueretan, ingurumena errespetatuz, kutsadurarik gabe eta erabateko isiltasunean gozatzeko. Silennis, erantzun zuen.

Silennis jolasontzia da. Naturguneez gozatzeko modu berriei erantzuten die, bizitzeko eta sentitzeko modu berriekin era koherentean.

Motor elektrikoari esker isiltasunean nabigatzea; gure ubera, hegaztiak edo brisa entzutea… Sentsazio horiek handietsi egiten ditu erabilera esperientzia minimalistak. Erabiltzaile eta soslai mota guztientzako egokia da, aisialdia eta natura ulertzeko modu berri bati egokitutako sarrera eta erabilera konponbideei esker.

Red Dot Design Award eta Delta Design Award sariak jaso zituen. Dhemenk bere egin zuen proiektu bat da. Produktua ez ezik, nortasun bisuala, marka estrategia, posizionamendua eta dagozkion tresna komertzialak ere diseinatu eta garatu zituen. Nabarmentzekoa da Silennis jaio zenean propultsio elektrikoa ezezaguna zela gehienentzat, eta oso gutxi zabalduta zegoela. Horregatik, ariketa didaktiko eta estrategiko oso bat egin behar izan zen, gaur egun, inoiz baino gehiago, indarrean jarraitzen duen ariketa.

SILENNIS — RED DOT DESIGN AWARD WINNER

SILENNIS — DELTA DESIGN AWARD WINNER

Imat

Dhemen — Mon, 04 May 2020 14:00:45 +0000

Imat espezializatuta dago itxaron lekuetako eserlekuetan, eta Dhemenekin elkartu zen aireportuetako jarleku berriak diseinatzeko.

Proiektu honen erronka zen oso behar ezberdinek bat egin behar zutela. Erosotasuna, iraunkortasuna, mantentzeko erraztasuna eta garbitasuna ziren bete beharreko baldintzak.

Baldintza horiekin, Dhemenek eserlekuak diseinatu zituen. Itxura minimalistakoak, neutroak eta denboragabeak. Natura oinarrizkoenean oinarrituak, hark bezala, antzeko egoerak konpontzen dituzte.

Garoan aurkitu genituen erritmoa, errepikapena, marraren jarraitutasuna eta soiltasun morfologikoa. Hortik abiatuta, diskurtso formal bat sortu genuen, eta horrek produktu bat ernatu zuen, leku eta kultura oso anitzetan integratzeko modukoa; erabiltzailearentzat atsegina; eta, batez ere, gaur egungo aireportuen premiei erantzuten diena.

Eccmax

Dhemen — Fri, 09 Apr 2021 09:12:20 +0000

Kirola eta osasunaren mundua etengabeko berrikuntzen tokia da. Bertan Eccmax-ek makina motorizatuekin indarra eta mugimendua lantzeko era berri bat proposatzen du, edozein tipotako erabiltzaileentzat, bai kirolari profesionalentzat eta baita adin handiko pertsonentzat ere.

Dhemen Eccmaxekin elkarlanean ari da sortu zenetik. Eccmax Model V eta Model L makinak diseinatu ditu, ez bakarrik erabiltzailearengan pentsatuz, baita makinaren ingurunean ere.

Makinak humanizatzea eta sentsazio atsegina eta segurua sortzea izan da helburua. Horretarako egurraren berotasuna eta oihalaren leuntasuna erabiltzeak sentsazio bakaneko eta emaitza bikaineko produktuak sortzea ahalbidetu du.

Eccmax, Dhemen eskutik, bere produktuen proposamena eboluzionatzen ari da, osasunaren eta prozesu konplexuen birgaitzeetan oinarrituta.

ECCMAX Model L & Model V — RED DOT DESIGN AWARD WINNER

Dëna

Dhemen — Thu, 10 Dec 2020 08:19:35 +0000

Your browser does not support the video element.

Umeentzako jostailuak egiten ditu Dëna Toysek. Bere estrategiaren oinarria da helburu anitzeko jostailuak, adin askotarakoak, dibertigarriak eta sormenezkoak egitea.

Dhemenek eta Dënak jostailu bat garatu dute. Umearen garapen motorra, kognitiboa, emozionala, soziala eta zentzumenena garatzea izan dira abiapuntu eta helburu. Adin guztietako umeek erabil dezakete egindako jostailua. Hozka egiteko, jostailu gisa, margotzeko molde gisa, janaria prestatzeko… erabil daiteke. Umeen hazkunderako eta hedapenerako aukera mugagabeak eskaintzen ditu.

Nabarmentzekoa da Car jostailuak izan duen berehalako arrakasta. MoMA Arte Modernoko Museoak aukeratu egin du eta salgai jarri New Yorkeko museoaren dendan.

Jostailua eskuragarri dago Dënaren Interneteko dendan eta New Yorkeko MoMA Design Storeren dendan.